Page d’accueil • Sommaire de ce numéro • Contribution de texte et de courrier: Editeurs@tanbou.com



Orevwa Manno !

—pa André Fritz Dossous Papados

li ale, ale, ale
nan wout ale nèt
pa janm tounen
n’ap wè li sèlman
nan somèy nou

(refren)

ooo n’ap wè li
n’ap wè li
n’ap wè li nan rèv
rèv lespwa nou
ap chante pou mizerab
nan peyi dayiti yon jou
goute moso lajwa, lagete !

n’ap wè atis pwogresis la
n’ap wè li ak gita li
ap akòde do, re, mi, fa
lavi si di pou ti ayisyen n yo

ooo n’ap wè li nan rèv nou
ak gita li kòm sèl zam
ap fredone, bougonnen
kalonnen abizè, eksplwatè
pou lavi miyò fleri
nan lanjelis diswa pita
pou ti tchovi, tout timoun
k’ap grandi nan peyi dayiti

(refren)

—Profesè André Fritz Dossous Papados, 13 desanm 2017

Page d’accueil • Sommaire de ce numéro • Contribution de texte et de courrier: Editeurs@tanbou.com